Ke Kula 'o Samuel M. Kamakau
Laboratory Public Charter School

The 2017-2018 school year application is now available on this site. Attend a family informational meeting to learn more about our unique program. Next meeting date- Wed, January 27, 2017.

Welina me ke aloha!

Welina me ke aloha!

Hoʻohanohano ʻia ʻo Samuel Mānaiakalani Kamakau ma muli o kāna mau hana i lilo i hoʻoilina ʻoiaʻiʻo e ola ikaika ai ka lāhui Hawaiʻi. ʻO ka hoʻopaʻa a mālama pono i ka ʻike o nā kūpuna ka hoʻonaʻauʻao pono ʻana, ʻo ia hoʻi i ko kākou ʻōlelo makuahine, nā moʻolelo, nā mele, a me nā moʻokūʻauhau ke ikaika mau ana iā kākou iho.

E komo pū kākou i kēia honua mauli ola e mālama nei i ka hoonaʻauao ʻia ʻana o kākou ma ka ʻōlelo makuahine ma ke ʻano he kaiaulu aʻo. ʻO ko nā haumāna, nā ʻohana, a me nā limahana aʻo aku aʻo mai me ka hana pū ʻana ka mea koʻikoʻi e kō ai.

ʻO Ke Kula ʻo Samuel M. Kamakau, he papahana kaiapuni Hawaiʻi ia i hoʻokumu ʻia ma ka makahiki 2000 no ka mālama a me ka hoʻoikaika ʻana i ka ʻōlelo Hawaiʻi ma o ka hoʻonaʻauao ʻia ʻana. He kula hoʻokolohua ʻōiwi a he kula hoʻāmana o ka mokuʻāina nō kēia.

ʻO kēia nā mea kūikawā o ka papahana:
  • He kula liʻiliʻi
  • He papahana ʻohana
  • He papa haʻawina e kālele ana i nā kumuhana kū i ka moʻomeheu
  • He pae makalau ke ʻano o ke aʻo ʻana

Ke Kūlana o Kēia Papahana

He papahana pae makalau kēia no nā haumāna ma ka papa mālaaʻo a hiki i ka papa 12. Ma ke ʻano he kula kaiapuni, aʻo ʻia nā ʻike a me nā mākau like ʻole ma o k a ʻōlelo Hawaiʻi, ha mākau ʻōlelo, he pilikanaka, he ʻepekema, he makemakika, he mākau kino, he pāheona a pēlā wale aku. Ma ka papa 5 ka hoʻomaka ʻana o ke aʻo o ka papa mākau ʻōlelo Pelekānia.

ʻOiai ua lilo iho nei kula hoʻāmana, na ka papa lakaʻi ʻo ka ʻUo Mamo e hoʻokele ana i kēia papahana, me ka hoʻolaukaʻi pū ʻana o ka ʻAha Pūnana Leo, me Ka Haka ʻUla o Keʻelikōlani, he Koleke ʻŌlelo Hawaii me ke Kulanui o Hawaiʻi ma Hilo, a me ke Keʻena Hoʻonauʻauao.

Ma kona ʻano he papahana kula hoʻokolohua, aia ana nā hana hou like ʻole no ka hoʻoholomua i ka hoʻonaʻauao ʻōlelo Hawaiʻi ma o ka ʻimi noiʻi, ka hoʻomohala haʻawina, a me ka hoʻomākaukau kumu. E mālama ʻia ana ke kālaimanaʻo Hawaiʻi ʻo ke Kumu Honua Mauli Ola i paʻa pono ke ola o ka mauli i loko o kākou ma o ko kākou mau ʻaoʻao pili ʻuhane Hawaiʻi, lawena Hawaiʻi, a ʻike kuʻuna Hawaiʻi.

Nā Pahuhopu Papahana

ʻO kēia kekahi o nā pahuhopu e hoʻokele ana i kā kākou hana:
  • He kaiapuni aʻo no ka hoʻola a hoʻoikaika i ka ʻōlelo Hawaiʻi;
  • He mālama ʻia ka ʻohana holoʻokoʻa ʻo ia ka mea nui e aʻo, mālama, kākoʻo i ka ʻōlelo Hawaʻi;
  • Ma o ka ʻōlelo Hawaiʻi e holomua ʻiʻo ai ma nā ʻano papa like ʻole no kēlā me kēia kanaka;
  • He mau kaiapuni aʻo kūpono no nā makahiki a hanauna like ʻole;
  • He mau papa o nā pae makalau a ma ko lākou mākaukau aʻo e aʻo ʻia ai ma ke kahua o ka ʻike kuʻuna Hawaiʻi;
  • He hoʻomohala haʻawina no ka lāʻau lapaʻau me ka hoʻohuikuʻi ʻana i ka makemakika a me ka ʻepekema;
  • He mālama i ka māla lāʻau lapaʻau; a
  • He papahana hoʻomaʻamaʻa lāʻau lapaʻau no nā kumu kaiapuni.
He Papahana ʻOhana

Na kākou kēia papahana kūikawā i koho ʻia. He koina nō ke komo maoli ʻana o nā ʻohana i mea e ola ai ka ʻōlelo Hawaiʻi a e ʻoi loa ai ka hoʻonaʻauao ʻano o kākou. E kūlike a ˚ukahi kākou a pau (nā haumāna , nā ʻohana, a me nā limahana) o Ke Kula ʻo Kamakau i mea e ʻimi a hoʻomau ai i nā ʻano kūpono o ka lāhui. Na kēlā me kēia ʻohana e ʻae ana i nā kuleana no ka holo pono.

Hana Makua

Ma ke ʻano he papahana ʻohana, kaukaʻi ʻia ke kākoʻo o nā mākua no ka holomua pono o ka papahana. Eia kekahi o nā hana e pono ai: hoʻomākuakau meaaʻo, mālama keiki ma ka wā pāʻani, hoʻomaʻemaʻe lumi papa, keʻena, a kahua kula, kikokiko, a pēlā wale aku. Ua hoʻokumu ʻia nā kōmike pēnei: ʻUo Mamo, Pono Kanaka, Kulekele, Hoʻoulu Kālā, Palekana, Kahua Kula, a me ka Hanana Kula.
Ka Aʻo ʻAna i ka ʻŌlelo Makua

He kula kaiapuni ʻōlelo Hawaiʻi kēia, no laila, he kuleana ko kākou a pau no ka mālama ʻana i ka ʻōlelo Hawaiʻi. Koi ikaika ʻia ke aʻo ʻana o nā lālā a pau o ka ʻohana i ka ʻōlelo Hawaii, ʻo ia ke kuleana koʻikoʻi o kākou inā e ola mau ana ka ʻōlelo. Hiki nō ke komo i ka papa ma ʻaneʻi a i ʻole ma ke kulanui a kaiaulu paha.


Show All »

News and Announcements

New ʻOhana Informational Meetings for 2017-2018 Enrollment

E kipa mai iā mākou no ka hele a kama‘āina i ko Kamakau
Polokalamu Kula!

We welcome you to join us at any one of three informational meetings to learn more about our program. Attendance at a meeting is highly encouraged for enrollment into the 2017-2018 School Year. Families are asked to attend with your child and be prepared for an interview to follow a presentation about the school. Please call our office (808.235.9175) to RSVP your attendance at one of these meetings. Applications will be available at www.kamakau.com in November. We look forward to meeting you on any one of the following dates-
• Thurs, Jan 26 (5-7PM)
• Wed, Feb 22 (5-7PM)
• Tues, April 4 (5-7PM)

2016-2017 Registration Packets- NĀ PUALEI

Nā Pualei Students- All forms required to start the 2016-2017 school year are included below. To avoid completing unnecessary forms, refer to the checklist provided. Bring all completed forms to any of the registration days (July 11-July 22 (7:30am-3:00pm). The last 4 attachments are for your information only and do not need to be printed.

2016-2017 Registration Packet- Mālaaʻo - Papa 6 (Kindergarten-gr 6)

Kindergarten-grade 6 Students- All forms required to start the 2016-2017 school year are included below. To avoid completing unnecessary forms, refer to the checklist provided. Bring all completed forms to any of the registration days (July 11-22; from 7:30am-3pm). The last 4 attachments are for your information only and do not need to be printed.

Show All »
Kai Loa Inc

Upcoming Events

Gallery Walk #2
Date: 12/14/2016, 1:30 PM 4 PM
Lunch Payment for January DUE
Date: 12/15/2016, 7:30 AM 3 PM
Lā hope o ke kau hapahā 2 (last day of Quarter 2)
Date: 12/21/2016
KAI LOA Inc. Logo

KAI LOA, Inc.
Dedicated to Hawaiian Immersion Education